ولا نص كلمة
بجد عين العقل إني بعدت عنه
عشان احنا من أولها ماننفعش بعض
لحقت نفسي ومن اللي شوفته يا قلبي منه
عرفت انه بجد مالوش خير في حد
ولا نص كلمه حلو مني يستاهلها
ولا نص كلمه عنه يستاهل أقولها
دا حب كان بخسارة علي قلبي وجنا عليا
وغلطه جوايا أنا هفضل شايلها
ولا نص كلمه حلو من يستاهلها
ولا نص كلمه عنه يستاهل أقولها
دنا من كسوفي وخوفي أقول عليه دا كان حبيبي
بقول عليه كان معرفه وراحت لحالها
عملت طيب قولت أخدها من قاصرها
عشان لاقيته كان واخدني لسكه سد
حكايته من البداية كان باينلي أخرها
لا عمري طولت معاه سما ولا حتي ارض
___________
مبيعرفنيش
]مبيعرفنيش غير لما الدنيا بتيجي عليه
مبيعرفنيش غير لما الأيام تجرح فيه
طول عمري معاه علي الدنيا يا قلبي وعلي الأيام
ضحيتله كتير ولا عمري في مره ضحيت بيه
مبيعرفنيش غير لما بس يحس بخوف
يرجعلي اوام مكسوف قال يعني وش كسوف
لا داللي يعيش في الدنيا يا قلبي ياما يشوف
ناس مش بتقدر مهما عشانهم نعمل إيه
اللي استحملته كتير وفي وقت الشدة أنا شلته
اللي استحملته وياما علي حساب نفسي جاملته
اعمل إيه تاني معاه اكتر من اللي عملته
بأيديه أنا ضعت وليه دلوقتي حليت في عينيه
كان قلبي علي نياته معاه مابيحسبهاش
ودا كان في القسوة وكان في الغدر مايتوصاش
دا الواحد قد ماعاش فيه حاجات بتعدي عليه
ومحدش كده في الدنيا بيتعلم ببلاش
دي غريبة الدنيا وغريب حال البني ادمين
ليه الغاليين بيبانوا في الآخر مش غاليين
معقول فيه ناس علشان نفسها غيرها يموت
وفيه ناس بتموت وتعيش غيرها ناس تانيين
-----
طمني عليك
من يوم بعدك وآنا قلبي مكسور وحزين
محتار مش عارف الدنيا واخداني لفين
صعبان علي قلبي فراقك طب هعمل إيه
جوايا حنين علشانك ازاي اداريه
طمني عليك قول فين ألاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر انساك
ايامي بقت من غيرك مليها الويل
بتعذب كل مايجي عليا الليل
وبروح علي صورتك اخدها في حضني وانام
اهي حاجه و بتصبر ني علي الأيام
دايما روحك حوليا وفي كل مكان
بتهون ياما عليا سنين حرمان
طمني عليك قول فين ألاقيك
مشتاق لعنيك وبموت من شوقي ليك
وازاي انا اعيش لو مش وياك
مش قادر آنساك
__________________
الرئيسية 
